१० वर्ष कान्छा प्रेमीसँग प्रियंकाको रोमान्स

हलिउडमा जमिरहेकी अभिनेत्री प्रियंका चोपडा आफूभन्दा १० वर्ष कान्छो अमेरिकी गायक तथा नायक निक जोनसँगको सम्बन्धका कारण चर्चामा छिन् । लस एन्जलसका केही स्थानमा सँगै देखिएको चर्चा सेलाउन नपाउँदै निक जोनस अचानक भारत आएर प्रियंकाकी आमासँग भेटघाट गरेको खबरले बलिउड तताएको छ ।
भारतीय सञ्चारमाध्यमका अनुसार निक गोप्य बिदा मनाउन प्रियंकाको परिवारका साथमा गोवा आएका थिए । उनीहरू मुम्बई एयरपोर्टमा सँगै देखिएका प्रियंका र निकको तस्बिर यतिबेला सामाजिक सञ्जालमा छाएको छ ।
एयरपोर्टमा प्रियंकाकी बहिनी परिणिती चोपडा र भाइ सिद्धार्थ पनि सँगै देखिएका थिए । निक जोनस र प्रियंकाकी आमा मधु चोपडा हालै बान्द्राको चर्चित रेन्टुरेन्टमा सँगै देखिएको भारतीय सञ्चारमाध्यमले उल्लेख गरेका छन् ।
यसअघि हलिउडको एक अवार्ड समारोहमा पनि प्रियंका र निक सँगै देखिएका थिए । गायक निक जोनस २५ वर्षका मात्र छन् भने प्रियंका अहिले ३५ वर्ष पुगी सकिन् ।
प्रियंकाले आफ्नो इन्स्ट्रामा केही तस्बिर सेयर गरेकी छन् । एक तस्बिरमा प्रियंका, निक जोनाश र परिणीति डिनर गरिरहेका देखिन्छन् । उक्त तस्बिरसँगै प्रियंकाले एक भिडियो पनि सेयर गरेकी छन् । जसमा प्रियंका र परिणीति इन्जोय मुडमा देखिन्छन् । भिडियोमा उनीहरुले फिल्म ‘मोहरा’को चर्चित गीत ‘टिप टिप वर्षा पानी’ गाइरहेका छन् ।
गोवा घुमाइपछि प्रियंका ‘व्वाईफ्रेन्ड’का साथ ब्राजिल गएकी छन् । ब्राजिलको गोईआन्यो शहरमा नीकको ३० जुन र १ जुलाईको कन्सर्ट रहेको बताइएको छ । त्यहाँ रहँदा प्रियंकाले नीकको साथ दिनेछिन् ।
प्रियंका र नीकको विवाहको मिति तय नभएपनि जुलाई वा अगष्टमा हुने बताइएको छ । उनीहरुको विवाहमा ठूलो तामझाम हुने बताइएको छ ।
प्रियंका अमेरिका आवत–जावत गरिरहन्छिन् । उनी अमेरिकामा आफ्नो टिभी शो ‘क्वान्टि’का लागि केही समयअघि मात्र गएकी थिइन् । प्रियंकाको अमेरिकी टिभी शो अब सकिएको छ । त्यसैले अब उनी दुई वर्षपछि पुनः बलिउडमै रमाउने तयारी गर्दैछिन् । उनी अली अब्बास जफरको निर्देशनमा बन्ने फिल्ममा सलमान खानका साथ देखिने भएकी छन् ।
निकले यसअघि पनि हाइप्रोपÞmाइलका सेलिब्रेटीसँग रोमान्स गरिसकेका छन् । अमेरिकन मोडल तथा मिस युनिभर्स २०१२ ओलिभिया कुल्पोसँग डेट गरेका उनको यो सम्बन्ध २०१५ मा ब्रेकअप भएको थियो ।
त्यस्तै निकले अमेरिकी अभिनेत्री केट हडसन, अमेरिकन अभिनेत्री एन्जेला सराफेयन र भिक्टोरिया मोडल जर्जिया फोवलरसँग पनि रोमान्स गरिसकेका छन् ।