इन्डोनेसियामा भुकम्पः १० को मृत्यु, सयौं घाइते
इन्डोनेसियाको लोम्बक टापुमा आइतवार ६ दशमलव ४ म्याग्निट्युडको भूकम्प गएको छ ।
भूकम्प जाँदा कम्तीमा १० जनाको ज्यान गएको छ भने सयौंको स्रंख्यामा घाइते भएका छन् ।
मानिसहरू सुतिरहेका बेला भूकम्पका कारण कैयौँ घरहरू ढल्नुका साथै ठूलो संख्यामा क्षती पुग्न गएको अधिकारीहरुले बताएका छन् ।
घरहरू भत्किन थालेपछि मानिसहरू सडकमा निस्किएका थिए। भूकम्पपछि कैयौँ परकम्पहरू गएका छन्।