सिद्धबाबामा पहिरोः सिद्धार्थ राजमार्ग अवरुद्ध
बुटवल-लगातार परिरहेको पानीका कारण आइतबार बिहानदेखि पहिरो खस्दा सिद्धार्थ राजमार्ग अवरुद्ध भएको छ ।
रजमार्ग अन्तरगत पाल्पाको तिनाउ गाउँपालिका–३, हेडबक्स भन्ने स्थानमा पहिरो खसेपछि बिहानदेखि सडक अवरुद्ध भएको हो ।
अहिले पहिरो खस्ने क्रम जारी रहेको छ । पहिरोले गर्दा बुटवल हुँदै पाल्पा, गुल्मी, स्याङ्जा, बागलुङ, पोखरा लगायतका स्थानतर्फ जाने सवारी साधन र विभिन्न स्थानबाट बुटवलतर्फ आइरहेका सवारी साधन रोकिँदा यात्रु अलपत्र परेका छन् ।
पहिरो खसिरहेकोले सडक खुल्न समय लाग्ने प्रहरीले जनाएको छ ।