माइक्रोबस र कन्टेनर आपसमा ठोकिंदा १ को मृत्यु १५ घाइते
दमौली- दमौलीको पृथ्वीराजमार्गस्थित व्यास १२ छिर्कनमा आज बिहान माइक्रोबस र कन्टेनर एक आपसमा ठोकिंदा १ जना यात्रुको मृत्यु भएको छ भने १५ यात्रु घाइते भएका छन् ।
दमौलीबाट डुम्रे तर्फ जादै गरेको बा २ ख १८३८ नम्बरको माइक्रोबस र विपरित दिशाबाट आउँदै गरेको बा ४ ख ११२४ नम्बरका कन्टेनर एक आपसमा ठोकिँदा दुर्घटना हुन पुगेको हो ।
मृत्यु हुनेमा माइक्रोमा सवार भोजपुर बोक्सीङ्ग नगरपालिका ६ की १९ वर्षीया सविना राई रहेको जिल्ला प्रहरी कार्यालय तनहुँले जनाएको छ।
उनको पोखरास्थित मणिपाल शिक्षण अस्पतालमा उपचारका क्रममा मृत्यु भएको हो।