मेक्सिकोमा १०१ जना सवार विमान दुर्घटना
एजेन्सी- मेक्सिकोमा १०१ जना सवार विमान दुर्घटनामा परेको छ ।
मेक्सिकोको दुरंगो ग्वादालुपे भिक्टोरिया अन्तर्राष्ट्रिय विमानस्थलबाट मेक्सिको सिटीतर्फ उडेको विमान दुर्घटना भए पनि मानवीय क्षति हुनबाट भने जोगिएको छ ।
उडेको ५ मिनेटमै दुर्घटनामा परेको विमानका ८५ जना यात्रु घाइते भएको जनाइएको छ । घाइतेमध्ये २ को अवस्था गम्भीर छ ।
विमानमा ९७ यात्रु र ४ जना चालक दलका सदस्य सवार थिए ।
विमान उडेको केही समयपछि नै विमानस्थलभन्दा १० किलोमिटर पर दुर्घटना भएको थियो ।
विमानस्थलका अपरेटरले खराब मौसमका कारण विमान दुर्घटना बताएका छन् ।