जाजरकोट पहिरोः ३ जनाको शव निकालियो ४ वेपत्ता
जाजरकोटः अविरल वर्षासँगै गएराति गएको पहिरोमा परि जाजरकोटको सदरमुकाम खलङ्गामा दुई घर पुरिएका छन्।
पहिरोले घर पुरिँदा तीन बालबालिकाको मृत्यु भएको जिल्ला प्रहरी जाजरकोटले जनाएको छ।
पहिरोले तीर्थ बोहोरा र गोपाल सुनारको घर पुरिएको छ। तीर्थको घरबाट तीन जनाको शव निकालिएको छ भने थप एक हराइरहेका छन् । गोपाल सुनारको घरमा पनि तीन जना पुरिएको आंशका गरिएको छ।
घटनास्थलमा उद्दारका लागि नेपाल प्रहरी, सशस्त्र प्रहरी, नेपाली सेनालगायतको टोली खटिइएको छ।