नेपाली कांग्रेस स्याङ्जाका सभापति कमल पंगेनीको निधन
काठमाडौं- नेपाली कांग्रेस स्याङ्जाका सभापति एवम् पूर्व सांसद समेत रहेका कमल पंगेनीको ५८ वर्षको उमेरमा निधन भएको छ ।
स्याङ्जाको बयरघारीमा बस्दै आएका उनको भिरकोट नगरपालिकाका कांग्रेस नेता तोयानाथ अर्यालको घरमा सुतेकै बेला निधन भएको हो ।
उनको हृदयाघातका कारण निधन भएको परिबारले जनाएको छ । गएराति खाना खाएर सुतेका पंगेनी आइतबार बिहान गम्भीर अवस्थामा फेला परेको र अस्पतालमा पुर्याउँदा चिकित्सकले उनलाई मृत घोषणा गरेका थिए ।
उनी २०७० सालको संविधानसभामा स्याङ्जा क्षेत्र नम्बर २ बाट निर्वाचित भएका थिए । उनका श्रीमती, एक छोरा, एक छोरी छन्।