आज प्रदेश १ मा सार्वजनिक विदा
बिराटनगर- विश्व आदिवासी दिवसको अवसरमा आज प्रदेश १ मा सार्वजनिक विदा दिइएको छ ।
केन्द्र सरकारले विदा कटौति गरे पनि प्रदेश नम्बर १ को सरकारले प्रदेश अन्तर्गतका १४ जिल्लामा सार्वजनिक बिदा दिने निर्णय गरेको हो।
प्रदेश सरकारको आन्तरिक मामिला तथा कानुन मन्त्रालयले सूचना प्रकाशित गर्दै सार्वजनिक बिदाबारे केन्द्रको गृह मन्त्रालय र प्रदेशका सबै जिल्ला प्रशासन कार्याललाई बोधार्थ दिँदै पत्र पठाएको छ।
प्रदेश नम्बर १ मा सोलुखुम्बु, संखुवासभा, ताप्लेजुङ, ओखलढुंगा, खोटाङ, भोजपुर, धनकुटा, तेह्रथुम, पाँचथर, इलाम, उदयपुर, सुनसरी, मोरङ र झापा जिल्ला पर्छन्।