आठ संवैधानिक निकायमा अध्यक्ष तथा सदस्यका लागि दरखास्त माग
काठमाडौं – सरकारले विभिन्न आठ संवैधानिक आयोगको गठन प्रक्रिया अघि बढाएको छ। संवैधानिक परिषद्को सचिवलयले एक सूचना जारी गर्दै आठ संवैधानिक निकायका अध्यक्ष तथा सदस्य खुल्ला प्रतिष्पर्धाबाट नियुक्त गर्ने जनाएको हाे।
योग्यता पुगेका उम्मेदवारहरुलाई आवेदन दिन अाग्रह गर्दै परिषद् सचिवालयले आज सूचना जारी गरी सात दिनको म्याद दिएको छ। आठ सवैधानिक निकायमा अध्यक्ष र सदस्य गरी ४० जना आवश्यक छन्।
राष्ट्रिय प्राकृतिक स्रोत तथा वित्त आयोग, राष्ट्रिय महिला आयोग, राष्ट्रिय दलित आयोग, राष्ट्रिय समावेशी आयोग, आदिवासी जनजाति आयोग, मधेसी आयोग, थारु आयोग र मुस्लिम आयोगका लागि उम्मेद्वार माग गरिएको परिषद् सचिवालयले जनाएकाे छ।
उम्मेदवारहरुले अनलाइनमार्फत् आवेदन दिन सक्ने व्यवस्था मिलाएको छ।
