ट्रक र मोटरसाइकल ठोक्किँदा एकको मृत्यु
बारा: पूर्व-पश्चिम राजमार्गको निजगढ–पथलैया सडकखण्डको शहजनाथ मन्दिर काँटगाउँ प्रवेशद्वार अगाडि भएको दुर्घटनामा एक जनाको मृत्यु भएको छ।
मृत्यु हुनेमा बाराको करैयामाई गाउँपालिका–१ मधुवनका २३ वर्षीय भिष्म चौधरी रहेको प्रहरीले जनाएको छ।
चौधरी चढेको ना ५ ख २४०६ नम्बरको मोटरसाइकललाई ना ४२ प १२६३ नम्बरको ट्रकले ठक्कर दिँदा उनको घटनास्थलमा नै मृत्यु भएको इलाका प्रहरी कार्यालय निजगढले जनाएको छ।
प्रहरीले ट्रक चालकलाई नियन्त्रणमा लिएको छ। मृतकको शव पोष्टमार्टनका लागि चन्द्रपुर अस्पताल लगिएको छ।