त्रिशुलीमा टिपर खस्यो: एकको मृत्यु, एक वेपत्ता
धादिङ– पृथ्वी राजमार्गस्थित त्रिशुली नदिमा ट्रिपर खस्दा १ जनाको मृत्यु भएको छ भने एक बेपत्ता भएका छन्।
धादिङको गजुरी गाउँपालिका–६ स्थित पोखरे खोलामा मंगलबार राती काठमाडौंबाट मुग्लिनतर्फ जादै गरेको बा ४ ख ७७८१ नम्बरको ट्रिपर अनियन्त्रित भइ सडकबाट करिब २०० मिटर तल त्रिशुली नदीमा खसेको हो ।
दुर्घटनामा ट्रिपरमा सवार गजुरी गाउँपालिका –६ बस्ने २२ वर्षीय केशर पुलामीको मृत्यु भएको छ। दुर्घटनामा घाइते भएका उनलाई उद्दार गरी उपचारका लागि लैजादै गर्दा बाटोमा नै मृत्यु भएको ट्राफिक प्रहरी कार्यालय गजुरीले जानकारी दिएको छ। दुर्घटनामा सोही ठाउँका २१ वर्षका रामकृष्ण भुजेल वेपत्ता छन्। उनको खोजी कार्य भइरहेको छ।
ट्रिपरमा सवार अन्य तीन जना घाइते भएका छन्। सोही ठाउँका ट्रिपर चालक २५ वर्षीय श्याम मगर, २६ वर्षीय प्रकाश भूजेल र २१ वर्षीय दिनेश भुजेल घाइते भएका हुन्। घाइतेहरूको गजुरी अस्पतालमा उपचारपछि थप उपचारका लागि काठमाडौँ पठाइएको प्रहरीले जानकारी दिएको छ।