खिम्तीमा पहिरोले घर पुरिँदा एकै परिवारका चार जनाको मृत्यु

ओखलढुंगा मेलुङ गाउँपालिका ८ खिम्तीमा पहिरोले घर पुरिँदा एकै परिवारका चार जनाको मृत्यु भएको छ ।

गए रातीको अवीरल वर्षाका कारण बुधबार खसेको पहिरोले पूर्णबहादुर राईको घर पुरिएको हो ।

घरमाथिबाट आएको पहिरोले घर पुर्दा परिवारका सदस्य रागादीप खिम्लीका ५० वर्षीय पूर्णबहादुर राई, ४० वर्षीय श्रीमती धनकुमारी राई, ५५ वर्षीया मित्रमाया ५५ राई र पूर्णबहादुरका तीन वर्षीय छोरा आशिष राईको मृत्यु भएको प्रहरीले जनाएको छ ।

राई परिवारका एक छोरा र एक छोरी घरमा नभएका कारण पहिरोबाट जोगिएका छन् । उनीहरु पठनपाठनका लागि रुम्जाटारमा रहेकाले पहिरोमा पुरिनबाट जोगिएको स्थानीयले बताए ।