बिम्स्टेक को लागि नेपाल आएका विशिष्ट पाहुनाहरु राष्ट्रपति भवन शीतल निवासमा
काठमाडौं बहुक्षेत्रीय प्राविधिक तथा आर्थिक सहयोगका लागि बङ्गालको खाडीका देशहरुको चौथो शिखर सम्मेलन बिम्स्टेक को लागि नेपाल आएका ६ वटै मुलुकका विशिष्ट पाहुनाहरु राष्ट्रपति विद्यादेवी भण्डारीसँग संयुक्त भेट वार्ताका लागि राष्ट्रपति भवन शीतल निवास पुगेका छन् ।
बिम्स्टेकमा आएका पाहुनाहरुलाइ राष्ट्रपतिका सल्लाहकार सुशील प्याकुरेल, राष्ट्रपति कार्यालयका सचिव विनोद केसीलगायतले कार्यालयमा स्वागत गरेका छन् ।
आजै शुरु हुने शिखर सम्मेलनमा राष्ट्रपति भण्डारीले उनीहरुको सम्मानमा दिवा भोजको आयोजना गरेकी छन्। प्रधानमन्त्री केपी शर्मा ओलीलगायत नेपाल सरकारका उच्च पदस्थ अधिकारीहरु पनि सो कार्यक्रममा सहभागी हुने कार्यक्रम छ। ।