बिमस्टेकको अध्यक्षता श्रीलङ्काका राष्ट्रपति मैत्रीपाला सिरिसेनालाई हस्तान्तरण
काठमाडौ- बहुक्षेत्रीय प्राविधिक तथा आर्थिक सहयोगका लागि बङ्गालको खाडीको प्रयास बिमस्टेक को अध्यक्षता श्रीलङ्कालाई हस्तान्तरण भएको छ ।
काठमाडौंको होटल सोल्टीमा आज सम्पन्न भएको चौथो शिखर सम्मेलन समापन समारोहमा बिम्स्टेकका तत्कालिन अध्यक्ष एवं प्रधानमन्त्री केपी शर्मा ओलीले बिमस्टेकको अध्यक्षता श्रीलङ्काका राष्ट्रपति मैत्रीपाला सिरिसेनालाई हस्तान्तरण गरेका हुन् ।
प्रधानमन्त्री ओलीले नेपालले बिमस्टेकको अध्यक्षता ग्रहण गरेयता बितेका साढे चार वर्षमा सबै सदस्य राष्ट्रबाट निरन्तर सहायता प्राप्त भएको मा हार्दिक आभार प्रकट गरे । साथै उनले नयाँ अध्यक्ष राष्ट्र श्रीलङ्कालाई सफल कार्यकालको समेत शुभकामना व्यक्त गरे ।