मोटरसाइकल दुर्घटना, हवल्दारको मृत्यु
कञ्चनपुर- पूर्व पश्चिम राजमार्ग अन्तरगत पर्ने कञ्चनपुरको शुक्लाफाँटा नगरपालीका–११ कलुवापुर नजिक शनिबार राति मोटरसाइकल दुर्घटनामा परि सशस्त्र प्रहरीका सहायक हवल्दार भीमदत्तनगरपालीका–१८ खैरभट्टिका हरिश भट्टको मृत्यु भएको छ।
कैलालीको टिकापुर बाट से २ प ९६६९ नम्बरको मोटरसाईकलमा आउदै गरेका भट्ट चढेको मोटरसाइकल र भीमदत्तनगरबाट धनगढी तर्फ जादै गरेको से १ ज ८६२ नम्बरको भ्यान एक आपसमा ठोक्किदा उनको मृत्यु भएको इलाका प्रहरी कार्यालय झलारीले जनाएको छ ।
घाईते अवस्थामा भेटिएका भट्टलाई तत्कालै उपचारार्थ कैलालीको अत्तरियमा रहेको पद्मा अस्पतालमा भर्ना गरेपनि उपचार हुन नसकेपछि थप उपचारका लागि भारतको हलद्धानी तर्फ लग्दै गर्दा बाटोमै मृत्यु भएको हो।
ठक्कर दिने भ्यान र चालक इप्रका झलारीको नियनत्रणमा रहेको जनाइएको छ।