सिद्धार्थ राजमार्गः बुटवल-पाल्पा सडक खण्ड अझै सुचारु हुन सकेन
बुटवल- सोमबार दिउँसो देखि अवरुद्ध सिद्धार्थ राजमार्ग अन्तर्गतको बुटवल–पाल्पा सडक अझै खुल्न सकेको छैन ।
अविरल वर्षसँगै बिभिन्न स्थानमा खसेको पहिरोका कारण अवरुद्ध सडक अझैसम्म खुल्न नसकेको हो ।
पाल्पा प्रहरीका अनुसार, गत राती केही समय एकतर्फी रुपमा संचालनमा आएपनि वर्षा नरोकिएको र पुनः ठाउँ–ठाउँमा पहिरो खसेका कारण सडक सुचारु हुन नसकेको हो ।
अहिले पहिरो हटाउने क्रम जारी रहेको र वर्षा पनि भइरहेकोले यती समय नै यातायात सुचारु हुन्छ भन्न नसकिने समेत प्रहरीले बताएको छ ।
सडक अवरुद्ध भएसँगै, म्याग्दी, बाग्लुङ, कास्की, स्याङ्जा, पर्वत, गुल्मी, पाल्पा, अर्धाखाँची चल्ने सवारी साधन र हजारौं यात्रुहरु अलपत्र परेका छन् ।