पुरुष बलात्कृत
हेटौंडा – पछिल्लो समय देशमा बलात्कारका घटनाहरु पत्रपत्रिका र मिडियाम नछापिएका कमै होलान । तर हाम्रै नेपालको हेटौडामा अनौठो घटना घटेको छ दैनिक जसो पुरुषले महिलाला र बालिकालाई जबर्जस्ती करणीमा परेका घटनाहरु सार्वजनिक भइरहेको बेला हेटौडामा भने पुरुषले पुरुषलाई नै जर्बजस्ती करणी गरेको आरोपमा एक पक्राउ परेका छन् ।
३० वर्षीय एक सुस्त मनस्थितिका युवालाई जर्बजस्ती करणी गरेको आरोपमा हेटौडा उपमहानगरपालिका–८ कमानेका ६० वर्षीय केशव सिंखडा पक्राउ परेका हुन् । सिंखडालाई इलाका प्रहरी कार्यालय पशुपतिनगरले बुधबार पक्राउ गरेको हो ।
सुस्त मनस्थिति भएका युवालाई जर्बजस्ती करणी गरेको आरोपमा स्थानीय आमा समूहले बुधबार बिहान मोसो र जुत्ताको माला लगाएर गाउँ परिक्रमा समेत गराएका थिए । सिम्खडाले मंगलबार साँझ मनकामना चोक नजिक बारीमा ती युवकलाई यौन दुर्व्यवहार गरेको स्थानीय दुई जना महिलाले देखेपछि घटना सार्वजनिक भएको हो ।
स्थानीय महिलाहरूको अनुसार मंगलबार देखे पनि केही गर्न नसकेकाले बुधबार बिहान महिलाहरू भेला भएर सिम्खडालाई मोसो दलेर घुमाउँदै गर्दा प्रहरीले लिएर गएको थियो । तर दिनभर दुवै पक्षबीच छलफल गराएर सहमतिपछि प्रहरीले पीडकलाई साँझ छाडेको छ । इलाका प्रहरी कार्यालय पशुपति र गाउँलेहरुबीच सहमति भएपछि सिंखडालाई छाडिएको हो ।