निर्माणमा ढिलाइ गरेको भन्दै सर्वसाधारण सडकमा उत्रिए
काठमाडौं – सडक निर्माणमा ढिलाइ गरेको भन्दै काठमाडौं ढुंगेअड्डाका स्थानीयले गरेको विरोधका कारण शुक्रवार कलंकी नागढुङ्गा सडक खण्ड केहीबेर अवरुद्ध भएको छ ।
सडक निर्माणमा भएको ढिलाइका कारण बस्न सक्ने स्थिति नभएको भन्दै सर्वसाधारणहरू सडकमा उत्रिएका थिए । स्थानीय संघर्ष समितिले पटक–पटक आन्दोलन गर्दै आएको छ ।
स्थानीयको विरोधका कारण शुक्रवार बिहान १० बजेदेखि केहीबेर सडक अवरुद्ध भएको थियो । अहिले भने यातायात सुचारु भएको प्रहरी प्रभाग नागढुङ्गाका प्रहरी जानकारी दिए ।
सडक निर्माण पूरा नहुदा कलंकी, नागढुङ्गा खण्डमा दैनिकजसो जाम हुने गरेको छ । नागढुङ्गाको जाम केही दिन यता धादिङको नौबिसेसम्म पुग्ने गरेको छ ।