सुकेधारामा पैदलयात्रुको मृत्यु
काठमाडौं –काठमाडौंको सुकेधारामा सवारीको ठक्करबाट एकजना पैदलयात्रुको मृत्यु भएको छ ।
आइतबार राती नम्बर नखुलेको सवारीले ठक्कर दिँदा काठमाडौं मण्डिखाटार बस्ने ६५ वर्षीय कृष्णप्रसाद मैनालीको मृत्यु भएको हो ।
सवारी साधनको ठक्करबाट गम्भीर घाइते मैनालीको उपचारका लागि शिक्षण अस्पताल महाराजगञ्ज लैजाने क्रममा बाटोमा मृत्यु भएको प्रहरीले जनाएको छ ।