१० वर्षीय बालक बेपत्ता
चितवन– भरतपुर महानगरपालिका–२ निवासी १० वर्षीय बालक रोजन भट्टराई बेपत्ता भएका छन् । उनले विद्यालय जदा लगाएको सर्ट उनले बोकेको झोला आज नारायणी नदी किनारमा फेलापरेको छ ।
प्रहरीले बालक नदीमा बेपत्ता भएको आशङ्का गरेको छ ।
जिल्ला प्रहरी कार्यालय चितवनले दिएको जानकारीअनुसार शुक्रबार परीक्षा दिन स्थानीय भानु माध्यमिक विद्यालयमा गएका बालक बेपत्ता भएपछि खोजीकार्य थालिएको थियो । झोला र सर्ट नदी किनारमा फेला परेपछि नदीमा खोजी कार्य शुरु गरेको प्रहरीले जनाएको छ ।
बालक भानु माविमा कक्षा ४ मा अध्ययनरत थिए ।