जेष्ठ नागरिक दिवसमा सम्मान

गुल्ती । गुल्मी दरबार गाउँपालिका महिला बालबालिका तथा समाज कल्याण इकाईले २८औ अन्तर्राष्ट्रिय जेष्ठ नागरिक दिबसको अबसरमा सो गाउँपालिकाका करिब सय जना जेष्ठ नागरिकलाई सम्मान गरेको छ ।

गुल्मी दरबार गाउँपालिकाका प्रमुख प्रशासकीय अधिकृत रामप्रसाद शर्माको प्रमुख आतिथ्यतामा भएको उक्त कार्यक्रममा गाउँपालिकाका शिक्षा बिभाग प्रमुख दिपक भण्डारी विशेष अतिथिका रुपमा उपस्थित थिए । उक्त कार्यक्रममा जेष्ठ नागरिकलाई टीका, खादा लगाइ सम्मानित गर्नुका साथै फलफूल, चिया, नास्ता र नगद वितरण गरिएको थियोे । कार्यक्रमको सहजीकरण महिला बिभाग प्रमुख पार्बती पन्थीले गरेकी थिइन् भने सयांै जेष्ठ नागरिकले भजन–कृतन गरि रमाइलो गरेका थिए । उक्त कार्यक्रमलाई सम्बोधन गर्दै कार्यक्रमका प्रमुख अतिथि शर्माले जेष्ठ नागरिक समाजका धरोहर हुनुका साथै हाम्रा मार्गदर्शक र जिउँदो इतिहास भएको बताउँदै जेष्ठ नागरिकलाई सम्मान गर्न पाउँदा आफू हर्षले बिभोर भएको बताए ।