तनुश्रीले बलात्कार गरेको राखीको आरोप
मुम्बइ । बेलाबेलामा विवाद र चर्चामा आइरहने बलिउड कलाकार राखी सावन्त पुनः विवादमा तानिएकी छिन् । १२ वर्ष अघि एकदमै मिल्ने राखी र तनुश्रीबीच हाल पानी बाराबारको अवस्था छ ।
राखीले तनुश्री लेजवियन भएको र आफूलाई बलात्कार गरेको आरोप लगाएकी छन् । तनुश्रीले भने बलिउड स्टार नानापाटेकरले आफूलाई यौन दुव्र्यवहार गरेको भन्दै मिटु अभियानमार्फत आरोप लगाएकी थिइन् ।
राखीले पत्रकार सम्मेलन गरेर नानापाटेकरको बचाउ गर्दै तनुश्रीले ड्रग सेवन गर्ने गरेको र आफूलाई पटक–पटक बलात्कार गरेको आरोप समेत लगाएकी छिन् । अमेरिकामा चलेको मिटुलाई भारतमा लन्च गरेर तनुश्रीले पैसा लिएको राखीको आरोप छ ।
राखीको यस्तो अभिव्यक्ति पछि, तनुश्रीले राखीमाथि मानहानीको मुद्दा दायर गर्दै १० करोड माग गरेकी छिन् भने राखीले पनि तनुश्रीविरुद्ध मानहानीकै मुद्धामा ५० करोड माग गरेकी छन् ।