उज्यालो तिहार… बजारमा

काठमाडौं । गायिका सुनिता दुलाल र गायक प्रकाश सपुतको देउसी भैलो गीत सार्वजनिक भएको छ । तिहार नजिँकिएसँगै ‘उज्यालो तिहार…’ बोलको देउसी भैलो गीत सार्वजनिक भएको हो ।
गीतको शब्द तथा संगीत प्रकाश सपुत आफ्नै हो । स्वर दुलाल र सपुतका साथै डिबी गुरुङ, अर्जुन सुनम र टिका पुनको पनि सुन्न सकिन्छ ।
देउसी–भैलो गीत मौलिक लयमा छ । १६ मिनेट लामो गीतले नेपाली मौलिक पनलाई समेटेको छ । ‘तिहारमा सबैले गाउने र सुन्ने खालको गीत हामीले ल्याएका छौं,’ गायिका दुलालले भनिन्, ‘तिहारको मौलिक परम्परालाई समेट्नु गीतको मुख्य लक्ष्य हो । गीत सुन्दा र भिडियो हेर्दा पनि स्रोता तथा दर्शक आफैले मूल्यांकन गर्न सक्नुहुन्छ ।’
गीतको भिडियोमा गायकगायिका आँफै अभिनयमा उत्रिएका छन् । साथमा लक्ष्मी गिरी, शुरवीर पण्डित, सुवर्ण दुलाल थापा, राजेश कार्की लगायतका कलाकार पनि छन् ।
कोरियोग्राफी पुष्कर विवेक थापाले गरेको भिडियो मधुर बस्नेतले खिचेका छन् प्रवीन भट्टले सम्पादन गरेको भिडियो देबेन्द्र बब्लुले निर्देशन गरेका छन् ।