वडाध्यक्षले शिक्षकलाई कुटपिट
प्यूठानका- प्यूठानका एक वडाध्यक्षले शिक्षकलाई कुटपिट गरेका छन । जिल्लाको झिमरुक गाउँपालिका वडा नम्बर –८, का वडाध्यक्ष तुलस बस्नेतले स्थानीय शिक्षक सिद्धिमान एमसीलाई कुटेका हुन् ।
विद्यालयमा चलिरहेको व्यवस्थापन समितिको बैठकमा सामान्य भनाभन भइरहेका बेला बस्नेतले आफूलाई कुर्सीले टाउकोमा प्रहार गरेको एमसीले बताएका छन ।
शिक्षक एमसी जनता माध्यमिक विद्यालय लिवाङ टिमुरचौरमा विगत चारवर्षदेखि प्रावि तहमा कार्यरत रहदै आएका छन् । उनले मंगलबार प्यूठान अस्पताल बिजुवार पुगेर आफ्नो उपचार गराएका छन् ।
टाउकोमा पाँचवटा टाँका लगाइएको एमसीलाई डाक्टरले एक सातासम्म आराप गर्न सल्लाह दिएका छन् । झिमरुक गाउँपालिका अध्यक्ष तिलक जिसीले घटनाको विषयमा सोधपुछ गर्ने बताएका छन् ।