उपसभामुख शिवमाया तुम्बाहाम्फे बेलायत प्रस्थान
काठमाडौ- महिलालाई मताधिकार प्रदान गरिएको १०० वर्ष पुगेको सन्दर्भमा कात्तिक २२ र २३ गते बेलायतमा हुने महिला सांसदको अन्तर्राष्ट्रिय सम्मेलनमा नेपालको तर्फबाट सहभागिता जनाउन उपसभामुख शिवमाया तुम्बाहाम्फे त्यसतर्फ प्रस्थान गर्नुभएको हो ।
सम्मेलनमा उपसभामुख तुम्बाहाम्फेले नेपालको बालिका शिक्षाबारे प्रवचन दिने कार्यक्रम छ। उहाँले बेलायतमा नेपाली समुदायले गर्ने विभिन्न कार्यक्रममा सहभागिता जनाउनुहुने छ ।
यही कात्तिक २४ गते ‘भिजिट नेपाल– २०२०’ को प्रवर्द्धनका लागि उच्चस्तरीय समिति घोषणा गर्न बेलायतस्थित नेपाली दूतावासमा आयोजना हुने कार्यक्रममा उपसभामुख तुम्बाहाम्फे सहभागी हुने कार्यक्रम छ ।
‘ब्रिटेन– नेपाल चेम्बर अफ कमर्स’सँगको सहकार्यमा कात्तिक २७ गते नेपाली दूतावासमा आयोजना हुने ‘नेपाल डेभलपमेन्ट कन्फरेन्स’मा पनि तुम्बाहाम्फे सहभागी हुने उहाँका प्रेस संयोजक शेखर अधिकारीले जानकारी दिनुभयो ।