दाङबाट काठमाडौं जाँदै गरेको बस कावासोतीमा दुर्घटना १६ घाईते
दाङबाट काठमाडौं जाँदै गरेको ना ६ ख ६३०१ नम्बरको बस बिहान ३ बजे दुर्घटनामा परेको हो। घाइते १६ मध्ये चार जनाको अबस्था गम्भीर छ।
दाङ सतवरीया–८ का २६ वर्षीया पूजा तामाङ, दाङ लमही–९ का ३० वर्षीया कल्पना बुढामगर, देउखुरीका ४७ वर्षीया रामदुल्ली चौधरी र ५० वर्षीय प्रदेसु चौधरीको अवस्था गम्भीर छ।
तिब्रगतिमा रहेको बस आफैँ अनियन्त्रित भई पल्टिएको जिल्ला प्रहरी कार्यालय नवलपरासी पूर्वका प्रहरी नायव उपरीक्षक लीलाराज लामिछानेले जानकारी दिए।
घाइेत १२ जनाको कालीगण्डकी अस्पताल कावासोती र गम्भीर घाइते चार जनाको नयाँ मेडिकल कलेज भरतपुरमा उपचार भइरहेको छ।