‘साइँली’ को फस्र्टलुक सार्वजनिक

काठमाडौँ । चलचित्र ‘साइँली’ को फस्र्टलुक पोस्टरसँगै प्रदर्शन मिति पनि सार्वजनिक भएको छ । गायक हेमन्त रानाको स्वरमा रहेको चर्चित गीत ‘साइँली’ को नामबाट निर्माण भएको फिल्मको टाइटल अनुसार पोस्टर तयार पारिएको निर्देशक रामबाबु गुरुङले बताएका छन् ।
युट्युबमा डेढ करोडले हेरिसकेको ‘सुन साइँली’ गीतमा मेनुकाको जोडी अभिनेता गौरव पहाडीसँग बाँधिएको थियो । फिल्ममा पनि यी दुई नै जोडीको रुपमा प्रस्तुत छन् । चैत १५ बाट प्रदर्शनमा आउने यो फिल्ममा गीतले बोकेको भावलाई उतारेको निर्माण समूहको दावी छ । फिल्ममा अभिनेता दयाहाङ राई पनि प्रमुख भूमिकामा छन् । गायक हेमन्त राना र गौरव पहारीले मिलेर फिल्म निर्माण गरेका हुन् ।
जिएच इन्टरटेनमेन्टको व्यानरमा निर्माण भएको फिल्ममा माओत्से गुरुङ, कृपा सिंह, प्रकाश घिमिरे, अरुण कार्कीलगायतका कलाकारको मुख्य भुमिका रहेको छ । निर्देशक गुरुङको कथा रहेको फिल्ममा विशाल गुरुङ र मोहन थापा निर्मातामा छन् ।
बिजय अवाले, विकाश पुजास र सुवेक्छा केसी सह(निर्माताको रहेको फिल्मको कार्यकारी निर्माता मणिराम पोखरेल हुन् । फिल्ममा काली प्रसाद बास्कोटा, सुशान्त गौतमको संगीत, शैलेन्द्र डि. कार्कीको छायांकन, निमेष श्रेष्ठको सम्पादन छ ।