बसको ठक्करबाट विद्यार्थीको मृत्यु

राजापुर-कालीकोटबाट टीकापुरका लागि छुटेको ना ४ ख ५३७५ नम्बरको बसको ठक्करबाट पूर्वपश्चिम राजमार्ग अन्तर्गत बर्दियाको ठाकुरबाबा नगरपालिका नजिकै  साइकलमा सवार एक विद्यार्थीको आज घटनास्थलमै मृत्यु भएको छ ।भेरी पब्लिक शिक्षालयमा कक्षा ९ मा अध्ययनरत् विद्यार्थी निर्मला चौधरीको मृत्यु भएको इलाका प्रहरी कार्यालय भुरीगाउँले जनाएको छ । ठक्कर दिने बस र चालक प्रहरी नियन्त्रणमा रहेको इलाका प्रहरीले जनाएको छ ।