प्रथम जिल्ला सम्मेलन गर्दै,गुल्मी कांग्रेस
गुल्मी -नेपाली कांग्रेस गुल्मीले जिल्ला सम्मेलन गर्ने निर्णय गरेको छ । बी.पी. स्मृति भवन तम्घासमा आइतबार बसेको जिल्ला कार्य समितिको बैठकले यस्तो निर्णय गरेको हो ।
नेपाली कांग्रेस गुल्मीको प्रथम जिल्ला सम्मेलन यहि मंसिर २० र २१ गते हुने पार्टी सभापति भुवन प्रसाद श्रेष्ठले जानकारी दिए । जिल्ला सम्मेलन २ दिनसम्म हुने भएको छ ।
पहिलो दिन वृहत भेला तथा आम सभा हुने भएको छ भने दोस्रो दिन नेपाली कांग्रेसका नेता तथा कार्यकर्ताहरुलाई प्रशिक्षण दिनु पर्ने भएकोले प्रशिक्षण कार्यक्रम समेत हुने सभापति श्रेष्ठले जानकारी दिए ।
नेपाली कांग्रेसका केन्द्रीय नेताहरुको उपस्थितिमा प्रथम जिल्ला सम्मेलन हुने पार्टी सचिव खिलध्वज पन्थीले जानकारी दिए