बङ्गुर चोरी गर्ने पक्राउ

तौलिहवा- महाराजगञ्ज  नगरपालिका-४ बरईपुरका नरदाहे पासीले पालेको ११ बङ्गुर चोरी गर्ने दुई जनालाई प्रहरीले पक्राउ गरेको छ । पक्राउ पर्नेमा बुद्धभूमि नगरपालिका-७ का प्रेमबहादुर ढाडी र रामवली कुर्मी रहेका छन् ।

दुवै जनालाई ११ बङ्गुरसहित तौलिहवाबाट पक्राउ गरिएको इलाका प्रहरी कार्यालय महाराजगञ्जका प्रहरी नायब निरीक्षक अशोककुमार श्रीवास्तवले बताए । चोरीमा संलग्न एक जना अझै फरार छन् ।