‘जानी नजानी’ को आवरण सार्वजनिक

काठमाडौं । चलचित्र ‘जानी नजानी’ को आवरण सार्वजनिक भएको छ । निर्माण युनिटले चलचित्रका लिड कलाकार अटाएको केही पोष्टर फष्टलुकको रुपमा सार्वजनिक गरेको हो ।
चैत्र १ गतेबाट प्रदर्शनमा आउन लागेको यो चलचित्रको पोष्टरमा कलाकार मनिष श्रेष्ठ, निरिशा बस्नेत , सन्नी सिंह र नम्रता श्रेष्ठ देखिएका छन् । पुराना कलाकार तथा निर्देशक विश्व बस्नेतको छोरी निरिशा यसै चलचित्र मार्फत अभिनयमा डेब्यु गर्दैछिन् ।
प्रकाश अधिकारी, कृष्ण भक्त महर्जन, रोशनी केसी लगायतको समेत अभिनय रहेको चलचित्र सामीप्यराज तिमिल्सेनाले लेखेका हुन् ।
बसन्त अधिकारीको डेब्यु निर्देशन रहेको चलचित्रमा छायाँकन संजय लामाको रहेको छ ।
अर्जुन पोखरेलको संगीत कविराज गहतराज, प्रविन सिंह र शिशिर खातीको कोरियोग्राफी रहेको चलचित्र रोशनी इन्टरटेन्मेनटको ब्यानरमा निर्माण भएको हो ।
यस अगाडि ‘डा. खाते’ बनाएकी रोशनी केसी चलचित्रको प्रस्तुकर्ता हुन् । मोदनाथ खनाल र सागरकाजी मालीले मिलेर चलचित्रमा लगानी गरेका छन् ।
राम्रो बनाउने हर प्रयास गरिएको चलचित्र मेकिङमा कुनै पनि सम्झौता नगरिएको निर्माता रोशनी केसीले बताइन् ।