खरायो मार्न खोज्दा जिप दुर्घटना सुत्केरी सहित ५ को मृत्यु
पाल्पा- पाल्पाको तानसेनबाट सुत्केरी लिएर माथागढी गाउँपालिका बहादुरपुर जाँदै गरेको जिप पुर्बखोला गाउँपालिका २ पाल्पाको आर्गडाँडा भरिमा दुर्घटना हुदा ५ जनाको मृत्यु भएको छ।
मृत्यु हुनेमा चालक बर्ष २० को बिरेन्द्र राना बर्ष ४४ कि यानिसरा गाहा बर्ष २३ कि कुनि सरा रुचाल ,बर्ष ७१ का रेवत बहादुर जि. सि. र बर्ष ४१ कि भुमि कुमारी दर्लामि रहेका छन्। मृतक सबै माथागढी गाउँपालिका -८, बहादुरपुरका हुन ।
सुत्केरी दर्लामिको तानसेन स्थित लुम्बिनी मेडिकल कलेज प्रभासमा उपचारको क्रममा मृत्यु भएको छ। मंसिर २५ गते जन्मेको ३ दिनको बच्चा भने सकुशल नै रहेको अस्पतालको स्रोतले जनाएको छ।
रातिको समयमा साँघुरो र अप्ठेरो बाटोमा खरायोलाई पिछा गर्ने क्रममा भित्तामा ठोकिएर घुम्तीबाट खसेर दुर्घटना भएको घाइतेलाई उदाहार गर्दैका स्थानीय एवम् वडा अध्यक्ष नीर बहादुर सारुले जानकारी दिनु भयो। जिप करिब ३०० मिटर तल खोचमा खसेको छ।
तानसेनबाट जल्पा हुँदै माथागढीको बहादुरपुर जादै गरेको लु १ ज २६५३ नम्बरको जिप राति ८:३० बजे तिर दुर्घटनामा परेको थियो।
घाइते ३ जनाको लुम्बिनी मेडिकलकलेज प्रभासम उपचार भइरहेको अस्पतालले जनाएको छ।