चलचित्र पुरानो बुलेटसँग अनुपको आशा

काठमाडौं । प्रायः चलचित्रमा खलनायक देखिदै आएका अनुप विक्रम शाही चलचित्र पुरानो बुलेटमा भने नायकको रुपमा देखिने भएका छन् । पुरानो बुलेटमा आफूले पाएको अवसरलाई खेर जान नदिन निकै मेहनत गरिरहेको उनले बताएका छन् । सो चलचित्रको डविङ भइरहेको र आफूले त्यसमै तनमन लगाएर काम गरिरहेको उनले बताएका छन् ।
अनुपको अभिनयबाट आफू सन्तुष्ट रहेको निर्देशक भीषण राईले बताएका छन् । अनुपलाई बुझाउन धेरै समय नलाग्ने उनले तुरुन्तै टिप्न सक्ने राईले बताएका छन् ।
पुरानो बुलेटबाट आफू सफल हुनेमा निकै आशावादी रहेको शाहीले बताएका छन् । आफ्नो महत्वपूर्ण समय सो चलचित्रलाई छुट्याएर धेरै मेहनत गरिरहेको शाहीले बताएका छन् ।
चैत्र १ गतेबाट देशभर प्रदर्शनमा आउन लागेको यो चलचित्रमा अनुप विक्रमसंगै वर्षा शिवाकोटी, माला लिम्वू, कृष्णभक्त महर्जन, कविता आले, शिव मुखिया, वारत लिम्वू, शिरोमणि दवाडी, बादल श्रेष्ठ, करण धिताल, लक्ष्मण राई, मातृका पौडेल, सन्तोष राई, हिमाल राई, गोपाल काफ्ले, प्रदिप फुयांल, शम्भु गहतराजलगायतको अभिनय रहेको निर्देशक राईले बताएका छन् ।
क्रेजी इनटरटेन्टमेन्ट प्रालिको ब्यानरमा बनेको सो चलचित्रको कथा निर्देशक राई र सन्तोष राईको संयुक्त रहेको छ भने अशोक कुमार राई, टीकाराम राई, विरेन सांवा र दिपेन लिम्वु निर्माता रहेका छन् । कार्यकारी निर्मातामा सन्तोष राई रहेकाछन् । हरी घले लामाले खिचेका छन् भने उत्तमजंग लिम्वू र जयन जे वाईवाको संगीत रहेको छ । प्रशान्त तामाङ र प्रवीण सिंहको कोरियोग्राफी रहेको छ भने अर्जुन जिसीको सम्पादन रहेको छ ।