बालाजु वाइपासमा टिप्पर पल्टिँदा चिया बेचिरहेका एकको मृत्यु, २ घाइते
काठमाडौं – बालाजु वाइपासमा टिप्पर पल्टिँदा सडकपेटीमा चिया बेचिरहेका दलबहादुर बिसुंखेको मृत्यु भएको छ । २ जना घाइते भएका छन् ।
घाइते हुनेहरुमा दलबहादुरकी श्रीमती सानोनानी र नुवाकोट ककनीका प्रज्ञारत्न लामा रहेका छन् ।
माटो बोकेर धर्मस्थलीबाट माछापोखरीतर्फ गइरहेको ना ७ ख ७००५ नम्बरको ट्रिपरले चारवटा ट्याक्सी र चिया बेच्ने ठेलागाडालाई ठक्कर दिँदा ठेलागाडामा चिया बेच्दै आएका धादिङको धुनिवेशी नगरपालिकाका दलबहादुर बिसुंखेको मृत्यु भएको प्रहरीले जनाएको छ ।
घाइतेहरुको शिक्षण अस्पताल महाराजगञ्जमा उपचार भइरहेको छ । चिया खान ठेलागाडा नजिकै रोकिएका ट्याक्सी चालकहरुले भने भागेर ज्यान जोगाएका छन् । टिप्पर चालकलाई प्रहरीले पक्राउ गरेको छ ।