संसारकै सुन्दरी महिलाहरुको पंक्तिमा श्रृंखला ११ औं

काठमाडौं । एक फेसन वेबसाईटले संसारमा भएका सुन्दरी प्रतियोगिताहरुको आधारमा सुन्दरीहरुको बरियताक्रम सार्वजनिक गरेको छ । उक्त वेबसाइटले सुन्दरीहरुलाई सुन्दरी प्रतियोगितामा उनीहरुले दिएको प्रस्तुती र त्यहाँबाट आएको नतिजाको आधारमा यस्तो बरियता सार्वजनिक गरेको हो ।
विश्व सुन्दरी प्रतियोगितामा उत्कृष्ट १२ मा परेकी मिस नेपाल वल्र्ड श्रृंखला खतिवडा पनि यसको बरियतामा परेकी छन् । श्रृंखला उक्त बरियताको ११औँ स्थानमा परेकी छन् । उनले २ सय ९ अंक प्राप्त गर्दै ११ औँ स्थानमा परेको हो ।
६ सय ४७ अंकका साथ बरियताको पहिलो स्थानमा भेनेजुयलाकी सुन्दरी छिन् भने ६ सय १६ अंक प्राप्त गर्दै दोश्रो स्थानमा फिलिपिन्सकी सुन्दरी छिन् । यस्तै तेश्रो, चौथो र पाचौँ स्थानमा क्रमश मेक्सिको, दक्षिण अफ्रिका र भियतनाम छन् ।