स्वतःप्रतिनिधि बन्ने कि तलबाटै चुनाव लडेर आउने भन्ने विवादमा रुमलियो कांग्रेस

कांग्रेसमा अहिले कायम रहेको स्वतः प्रतिनिधि बन्ने प्रावधान हटे केन्द्रीय पदाधिकारीसहित सदस्यहरू वडा तहमै पुगेर क्षेत्रीय प्रतिनिधिबाट प्रतिस्पर्धा गर्नुपर्ने हुन्छ।

उक्त प्रावधानका विषयमा गत बुधबार र बिहीबारको बैठकमा सदस्यहरु दुई खेमामा विभाजित भएपछि बैठक आजसम्मका लागि स्थगित गरिएको थियो।

सोही विषयमा पुनः छलफल गर्न ललितपुरको सानेपास्थित पार्टी मुख्यालयमा अहिले बिहान ११ बजेपछि बैठक बस्न लागेको कांग्रेस नेताहरूले बताएका छन्।