आगलागी हुँदा कम्तिमा ६० जनाको मृत्यु
काठमाडौं- बंगलादेशको राजधानी ढाकामा आगलागी हुँदा कम्तिमा ६० जनाको मृत्यु भएको छ ।
चौकबजारमा आगलागी हुँदा पुरानो वस्ती नै सखाप भएको छ । दर्जनौं घर जलेर खरानी भएका छन् ।
आगलागीमा परी तीन दर्जन भन्दा बढी गम्भीर घाइते भएको जनाइएको छ । ज्यान गुमाउनेको संख्या अझै बढ्न सक्ने अग्नि नियन्त्रकलाई उद्धृत गर्दै बीबीसीले जनाएको छ ।
बुधबार रातिबाट लागेको आगो निभाउने प्रयास बिहीबार बिहानसम्म पनि जारी थियो । आगलागी भएको क्षेत्रमा रसायनको गोदाम पनि थियो ।
आगो सिलिन्डरबाट सल्केको हुन सक्ने प्रारम्भिक अनुमान गरिएको छ ।
अति ब्यस्त सडक हुने स्थान भएकाले गम्भीर घाइतेहरुको उद्दारमा समस्या भएको थियो ।