‘अदालत’मा सुष्माको आइटम

फागुन २४ गतेबाट प्रदर्शनमा आएको चलचित्र ‘अदालत’को ‘तीन पाने’ बोलको आइटम गीत चर्चित बनेको छ । एक हप्ता अघि सार्वजनिक भएको सो आइटम गीतमा नायिका सुष्मा कार्की फिचर्ड छिन् । अन्य आइटम गीतभन्दा यो फरक रहेको निर्माण पक्षको दाबी छ ।

दिनेश लिङ्देनको लेखन, यदु राई लकान्द्री र दिनेश लिङ्देनको स्वर तथा रोशन वान्तवा राईको संगीत रहेको यो गीतलाई ज्ञानु राईले छायांकन गरेका छन् भने दिनेश पाख्रिनको कोरियोग्राफी र रन्जीत मानन्धरको सम्पादन रहेको बताइएको छ ।
अदालत फिल्मले समाजमा घटिरहेका हत्या, हिंसा, बलात्कार, अवैध धन्दा जस्ता आपराधिक एवं संवेदनशील घटनाहरुलाई मुख्य विषय बनाएको निर्देशकसमेत रहेका पाख्रिनले बताएका छन् ।
फिल्ममा एलिना बाँस्कोटा, राजकुमार अधिकारी, मदन भुजेल, रुद्र पाहिम लिम्बु, शान्ति लामा, बिन्दा थिङ, मेखबहादुर मगर, उदय सुब्बा, प्रेम आले, दिपक क्षेत्री, राजु घिमीरे, बिन्दा थिङ, दिलिप ठकुरी, पुन्य ओझा, अजय खडका आदिको मुख्य भुमिका रहेको छ । यही फिल्मबाट मदन, राजकुमार, रुद्र र शान्तिले डेब्यु गरेका छन् ।
फिल्ममा रोशन बान्तवा राईको संगीत, दिनेश माङमुको नृत्य, राजु किराँतीको द्वन्द्व, विक्रम डिसीको छायांकन र रन्जित मानन्धरको सम्पादन छ । बसन्त थेवे कार्यकारी निर्माता रहेको फिल्ममा मेखबहादुर मगर सहनिर्माता र आरपी दाहाल प्रस्तुतकर्ता छन् । फिल्ममा कविता राई निर्मात्री छिन् । फिल्मको कथा पाख्रिनले नै लेखेको बताइएको छ ।