‘जानी नजानी’मा मनिष र निरिशाको रोमान्टिक दृश्य

काठमाडौं । चैत्र १ गतेबाट प्रदर्शनमा आउन लागेको चलचित्र ‘जानी नजानी’का मुख्य कलाकार मनिष श्रेष्ठ र नायिका निरिशा बस्नेतलगायत निर्माण युनिट प्रचारप्रसारका लागि देश दौडाहामा छन् ।
रोशनी केसीको निर्माणमा तयार भएको चलचित्रलाई बसन्त अधिकारीले निर्देशन गरेका हुन् । नम्रता श्रेष्ठ र सन्नी सिंहको पनि मुख्य भूमिका रहेको यो चलचित्रका लेखक सामिप्यराज तिमिल्सिनाले प्रेमलाई राष्ट्रियताको कथामा जोडेका छन् ।

पटकथा तथा संवाद तिमिल्सिनाकै रहको यो फिल्ममा प्रकाश अधिकारी, कृष्णभक्त महर्जन र रोशनी केसी लगायतको पनि अभिनय रहेको छ । नायिका निरिशाको यो डेब्यु फिल्म हो । पुराना कलाकार तथा निर्देशक विश्व बस्नेतकी छोरी हुन् निरिशा ।
निरिशाले डेब्यु फिल्म भएपनि आफू सफल हुने दावी गरेकी छिन् । सवै कलाकारले मिहिनेत गरेको बताउँदै निरिशाले भन्छिन् “आफूले यो चलचित्रको जस्तो ट्रेलर अहिलेसम्म अरु नेपाली चलचित्रको पाएको छैन । चलचित्रले माया प्रेमको कथाको साथमा राष्ट्रियताको कथालाई पनि उठाएको छ । चलचित्रले ढाकाको संरक्षणमा विशेष भूमिका पनि खेलेको छ । दर्शकहरुले यो फिल्म मन पराउनु हुन्छ ।”
चलचित्रको व्यापक प्रचारप्रसारमा लागेको निर्माण पक्षले केही समय पोष्टर र ट्रेलर सार्वजनिक गरेको थियो भने हालै चलत्रिका मुख्य कलाकार मनिष र निरिशाको रोमान्टिक तस्बिर सार्वजनिक गरेको छ । सार्वजनिक तस्बिरमा उनीहरु एक अर्काको अंगालोमा मात्र रमाएका छैनन्, लिपलक गर्दै रोमान्स गरिरहेका छन् ।