प्रधानमन्त्री ओली आज मोरङ र सुनसरी जाँदै
काठमाडौ- आज बिहान साढे ११ बजे मोरङको कटारी नगरपालिकामा निर्माण गरिएको कृषि बजारको उद्घाटन देखि लिएर बर्जु तालको निरीक्षण गर्न प्रधानमन्त्री केपी शर्मा ओली मोरङ र सुनसरी जाँदैछन्।
यसैगरी दिउँसो साढे १२ बजे विराटनगरमा ओलीले नेपाल कम्यूनिष्ट पार्टी (नेकपा) को प्रदेश नम्बर १ का सदस्यलाई सपथ गराउने कार्यक्रम रहेको प्रधानमन्त्रीको सचिवालयले जनाएको छ।
त्यस्तै प्रधानमन्त्री ओलीले दिउँसो बर्जु गाउँपालिकाको बर्जु तालको निरीक्षण र स्थानीय सभालाई सम्बोधन गर्ने कार्यक्रम छ।
पूर्वको कार्यक्रम सकेर प्रधानमन्त्री ओली आजै साँझ राजधानी काठमाडौं फर्कने छन्।