भन्सालीले अफर गरेको कंगनाको खुलासा
कंगना रनावत बेलाबेलामा चर्चामा आइरहने नायिकाहरुमध्येमा पर्छिन् । प्रतिभाशाली अभिनेत्री कंगाना आफूलाई लागेको कुरा विनाकुनै डर र संकोच बोल्न सक्ने खुबी राख्छिन् ।
कंगनाले हालै एक अन्तर्वार्तामा आफ्नो फिल्म जर्नीको बारेमा बताएकी छिन् । उनले ‘पद्मावत्’ फिल्मका लागि सञ्जय लीला भन्सालीले आफूलाई स्क्रिप्ट सुनाएर चलचित्रका लागि अफर गरेको समेत बताएकी छिन् ।
तर त्यतिबेला आफूले मणिकर्णिकामा काम गरिरहेकाले स्वीकार गर्न नसकेको बताएकी छिन् ।
फिल्म ‘पद्यावत्’ मा दीपिका पादुकोणले रानी पद्यावतीको भूमिका निभाएकी थिइन् । फिल्ममा उनको अभिनयको पनि खुबै तारिफ भएको थियो । यो फिल्म बक्स अफिसमा पनि हिट साबित भएको थियो ।
कंगना तमिलनाडुकी पूर्व मुख्यमन्त्री तथा अभिनेत्री जय ललिताको बायोपिकमा अभिनय गर्न लागेकी छिन् । सो फिल्मका लागि कंगनाले २४ करोड रुपैयाँ पारिश्रमिक अफर गरेसँगै उनी बलिउड फिल्म उद्योगकै महंगी अभिनेत्री बनेकी छिन् । भारतीय सञ्चारमाध्यमका अनुसार फिल्म निर्माताहरुलाई कंगनामाथि पूर्ण विश्वास भएका कारण उनलाई यति धेरै पारिश्रमिक दिनमा कुनै पनि आपत्ति नरहेको बताइएको छ ।
यसअघिका ‘तनु वेड्स मनु’ र ‘क्वीन’ जस्ता फिल्म हिट भएसँगै कंगनाले आफ्नो पारिश्रमिक ११ करोड पु¥याएकी थिइन् । तर त्यसपछिका फिल्म ‘सिमरन’ र ‘रंगुन’ फ्लप भएपछि पारिश्रमिक घटाएकी कंगनाले भर्खरै रिलिज भएको फिल्म ‘मणिकर्णिका’ हिट भएपछि फेरि पारिश्रमिक बढाएकी हुन् । बलिउडमा पहिलो पटक एउटा फिल्मका लागि कुनै अभिनेत्रीलाई २४ करोड रुपैयाँ पारिश्रमिक दिइँदैछ ।
यसअघि अभिनेत्री दीपिका पादुकोणलाई फिल्म ‘पद्मावत’ का लागि १३ करोड रुपैयाँ दिइएको थियो । यस्तै अभिनेत्री करीना कपूर खानले फिल्म ‘विरे दी वेडीङ’ का लागि ७ करोड रुपैयाँ लिएकी थिइन् भने अहिले उनले आफ्नो पारिश्रमिक बढाएर १० करोड पु¥याएकी छिन् । यस्तै हलिउडमा समेत पहिचान बनाइसकेकी अभिनेत्री प्रियंका चोपडाले ६ करोड रुपैयाँ मात्रै लिएकी छिन् ।
तामिल तथा बलिउड फिल्मकी अभिनेत्री समेत रहिसकेकी जया ललिताको जीवनमा आधारित फिल्म ‘जया’ को निर्देशन एएल विजयले गर्नेछन् । यस फिल्मको स्क्रिप्ट ‘बाहुबली’ र ‘मणिकर्णिका’ को कहानी लेखिसकेका लेखक केवी विजयन्द्र प्रसादले लेखेका हुन् ।
यस फिल्मका लागि कंगना भन्दा अघि अभिनेत्री विद्या वालन र ऐश्वर्या राय बच्चनलाई अफर गरिएको थियो । तर अन्त्यमा अभिनेत्री कंगना रनावतले बाजी मारेकी छिन् । कंगनाले यही फिल्मका लागि तमिल भाषा सिकिरहेकी छिन् ।