जेठमा दुई वर्षाको भिडन्त हुने

काठमाडौं । जेठ ३ गते अभिनेत्री वर्षा राउत र बर्षा सिवाकोटीको मिडन्त हुने भएको छ । एक अर्काेको प्रतिस्पर्धीका रुपमा समेत चर्चा हुने गरेका उनीहरुबीच रियलमा होइन, रिलमा भिडन्त हुने भएको हो ।
एकै फिल्म देख्न नपाइएका यी दुई अभिनेत्री बिच जेठ ३ गतेबाट प्रदर्शनमा आउन लागेका ‘वीर बिक्रम २’ र ‘जात्रौ जात्रा’ मार्फत दुई बर्षाबीच प्रतिस्पर्धामा हुने भएको हो । अर्थात दुवै फिल्म एकै दिन प्रदर्शनमा आउँदैछन् ।
‘वीरविक्रम–२’ मिलन चाम्सको निर्देशन रहेको फिल्म हो । फिल्ममा बर्षा सिवाकोटी, पल शाह, नाजीर हुसेन, बुद्धि तामाङलगायतको मुख्य भुमिका रहेको छ ।
चाम्स इन्टरटेनमेन्ट र लण्डन सिने आईको व्यानरमा निर्माण भएको फिल्मको निर्माता अर्पण सापकोटा हुन्, भने रञ्जिता शिवाकोटी सह–निर्माता रहेकी छन् ।
‘जात्रौ जात्रा’ भने प्रदीप भट्टराइले निर्देशन गरेको फिल्म हो । विपिन कार्की, रवीन्द्र झा, रवीन्द्र सिंह बानिया, दयाहाङ राई, बर्षा राउतको अभिनय रहेको छ ।
एकै मितिमा प्रदर्शनमा आउने यी दुई फिल्म रिलिज लिएर भागवन्डा अनुमान गर्ने हो भने ‘जात्रै जात्रा’ले हल तथा दर्शक बढी पाउने अनुमान धेरैको छ ।
चलचित्र भवनले पनि ‘वीर बिक्रम २’को तुलनामा ‘जात्रै जात्रा’लाई बढी शो दिने अनुमान गर्न सकिन्छ । दुवै सिक्वेल भए पनि ‘जात्रै जात्रा’को अघिल्लो सिक्वेलले ‘वीर विक्रम’ भन्दा बढी चर्चा र पैसा कमाउ सफल भएको थियो । प्रचारको कुरो गर्ने हो भने जात्रै जात्रा भन्दा ‘वीर बिक्रम २’ अगाडि रहेको छ ।