पालुवा टोलमा नयाँ पालुवा

भरतपुर । भरतपुर १६ मा अवस्थित पालुवा टोल विकास संस्थामा केही पुराना बाँकी रहँदै नयाँ पालुवा पलाएको छ । सो संस्थाका संस्थापक अध्यक्ष मिनबहादुर बस्नेतलाई दोश्रोपटक नवीकरण गर्दै ११ सदस्यीय नयाँ कार्यसमिति चयन भएको छ । यसरी चयन हुनेहरूमा काशी लामा उपाध्यक्ष हुन् भने सचिव दिपेन्द्र बोगटी हुन् । यसैगरी कोषाध्यक्षमा नवराज दवाडी छानिएका छन् ।
शिवजी पौडेल, बाबुराम चलिसे, अञ्जन विश्वकर्मा, शंकर विश्वकर्मा, तारामाया तामाङ, डिलु खत्री र राजेन्द्र थापा सदस्य चुनिएका छन् । साथै, संस्थाले मधुसुदन न्यौपाने, भैरव दवाडी, सज्जन बिष्ट, कुलायनन्द अधिकारी र लक्ष्मण वि.क.लाई सल्लाहकार सदस्यमा चुनेको छ । करिब १५० घर रहेको यस संस्थाले स्थापनाकालदेखि टोलको सरसफाई, आन्तरिक सरसहयोग तथा चेतना अभिबृद्धि लगायत सडकबत्ती व्यवस्थापनको कार्य गर्दै आएको छ । सो संस्थाले हालै निर्माणाधीन क्रिकेट रङ्गशालाका लागि रङ्गशालाकै प्रवेशद्वार नजिकै दानपेटीका पनि राखेको छ ।