फिल्म ‘सानो मन’ थाइल्याण्डमा छायांकन

चलचित्र ‘सानो मन’ थाइल्यान्डको राजधानी बैंककमा छायांकन भइरहेको छ । सो फिल्मको शीर्ष गीतसहित केही दृश्यको अहिले त्यहाँ छायांकन भइरहेको छ ।
फिल्म युनिट यसै साता त्यहाँ गएको हो। फिल्मको शीर्ष गीत सानो मनको आधाभन्दा बढी छायांकन थाएल्याण्डको पताया र आसपासमा सम्पन्न गरेको यसका निर्माता राजेन्द्र मानन्धरले जानकारी गराए काछन् ।
पतायाको समुद्री किनारमा गीतको छायांकन गरिएको छ । गीतमा फिल्मका अभिनेता आयुष्मान देशराज जोशी र अभिनेत्री शिल्पा मास्के रोमान्टिक मुद्रामा देखिएका छन् । यो गीतलाई निर्देशक सुयोग गुरुङले नै कोरियोग्राफी गरिरहेका छन् । रोहितजोन क्षत्रीको स्वर रहेको यो गीतमा स्वप्निल शर्माको शब्द तथा सुयोग सोताङको संगीत छ ।
बैंककका विभिन्न रमणीय स्थानहरुमा बाँकी छायांकन भइरहेको निर्माता मानन्धरले जानकारी गराएका छन् । यो चलचित्रको छायांकन आलोक शुक्लले गरिरहेका छन् ।
निर्देशक सुयोगलाई त्यहाँ मुख्य सहायक निर्देशक रितसिंह बोहराले सघाइरहेको छन् । फिल्ममा समिर सुनुवार र निर्देशक गुरुङको कथा रहेको छ ।