‘मारूनी’मा साम्राज्ञी र पुष्प रोमान्टिक

काठमाडौं । चलचित्र ‘मारुनी’को फस्टलुक पोष्टर सार्वजनिक भएको छ । सो पोष्टरमा अभिनेत्री साम्राज्ञी राज्यलक्ष्मी शाह तथा अभिनेता पुष्प खड्का रोमान्टिक देखिएका छन् ।
नवल नेपालको निर्देशनमा तयार भएको सो चलचित्रको पोस्टरमा पुष्प र साम्राज्ञीलाई प्रेमिल अवतारमा देखाइएको छ ।
संजय लामाको छायाँकन रहेको सिनेमामा अर्जुन पोखरेल, दीपक बज्राचार्य र कृष्ण काफ्लेको संगीत रहेको छ भने पुनम गौतमले निर्माण गरेकी हुन् ।
मारुनीमा राजा प्रधान, दर्शना केसी, मिना क्षेत्री सह–निर्माताको रुपमा रहेका छन् । सिनेमाको बिषयवस्तुको बारेमा निर्माणपक्षले केही पनि बोलेको छैन । सो चलचित्रमा डेव्यु अभिनेत्री रेविका गुरुङको पनि मुख्य भूमिका रहेको छ । दर्शकको मुटुलाई छुने कथामा सिनेमा निर्माण गरेको वताउँदै निर्मात्री गौतमले सिनेमामा थुप्रै ट्विस्ट रहेको बताएकी छिन् ।
अभिनेत्री शाहले ‘मारुनी’लाई आफ्नो करिअरकै महत्वकांक्षी सिनेमा भएकी बताएकी छन् । आजसम्म आफुले यस्तो भूमिकामा काम नगरेको उनको भनाइ छ ।