भारतीय प्रम नेपाल आउँदै

काठमाडौं । भारतीय प्रधानमन्त्री नरेन्द्र मोदी भदौको अन्तिम हप्ता नेपालको चार दिने भ्रमणमा आउने भएका छन् । उच्च सुरक्षा स्रोतका अनुसार भदौ ३१ देखि असोज ३ (सेप्टेम्वर १७–२०) सम्म उनले नेपाल भ्रमण गर्ने बताइएको छ ।
प्रधानमन्त्री मोदीको भ्रमणको चाँचोपाजो मिलाउन भारतीय सुरक्षाकर्मीको टोली दुई पटक काठमाडौं आएर फर्किएकोे स्रोतको दावी छ । जेठको दोस्रो हप्ता दोस्रो पटक प्रधानमन्त्री नियुक्त भएका मोदीले नेपालमा भारतीय प्रभाव बढाउन पटकपटक भ्रमण गरिरहेका छन् भने नेपाल चीनतिर ढल्किएको दिल्लीको विश्लेषण छ ।
उता परराष्ट्र मन्त्रालयले भने मोदीको भ्रमणबारे आफूहरुलाई कुनै सूचना नआएको बताएको छ ।