निश्चल र स्वस्तिमालाई आदर्श दम्पत्ति सम्मान

काठमाडौं । अभिनेता एवम् निर्देशक निश्चल बस्नेत र अभिनेत्री स्वस्तिमा खड्का ‘आदर्श दम्पत्ति सम्मान–२०७६’बाट सम्मानित भएका छन् । बिहीबार ललितपुरमा एक समारोहबीच ललित ब्युटिसियन बहुउद्देस्यीय सहकारी संस्था र ललित फरिया घरले उनीहरुलाई सम्मान गरेको हो ।
ललित ब्युटिसियन बहुउद्देस्यीय सहकारी संस्थाद्धारा सञ्चालित एवम् ललित फरियाघरको आयोजनामा ललितपुरको जावलाखेलमा आयोजित तिज माईति मेला २०७६ मा विशेष अतिथि बनेका निश्चल र स्वस्तिमालाई कार्यक्रममा प्रमुख अतिथि ललितपुर महानगरपालिकाका मेयर चिरिबाबु महर्जनले सम्मान प्रदान गरेका हुन् ।
सम्मानले आफुहरुलाई चलचित्र क्षेत्रमा काम गर्न अझ प्रेरणा मिलेको निश्चलले बताएका छन् ।