मन मिल्ने नभेटेपछि कुकुरसँग बिहे

कोही मानिसका आकांक्षाहरु विचित्रकै हुन्छन् । अहिले एकजना ४९ वर्षकी महिलाको बिहेको कहानी निकै चर्चित बनेको छ । पूर्व स्विमसूट मोडेल एलिजाबेथ होडले आफ्नै घरमा पालेको कुकुरसँग बिहे गरेकी छिन् । ४९ वर्षीय होडको लोग्ने (कुकुर)को उमेर ६ वर्षको रहेको बताइएको छ ।
उनको बिहेलाई बेलायतको चर्चित टेलिभिजन शो द मर्निङ्गमा लाइभ प्रशारण गरिएको थियो जसले गर्दा उनको बिहे समारोह विश्वका लाखौँ मानिसले हेर्न पाएका थिए । अन्तर्राष्ट्रिय सञ्चारमाध्यमका अनुसार उनले २ सय जनाभन्दा धेरै पुरुषसँग डेट गरिसकेकी थिइन् । तरपनि उनले मन खाएको नभेटेपछि आफ्नै कुकुरसँग बिहे गरेको बताइएको छ ।
कुकुरसँग बिहे गर्नुअघि एकजना ब्वायफ्रेण्डसँगबाट एउटा छोरा जन्मिएको बताइएको छ । छोरा नै २५ वर्ष पुगिसकेको बताइएको छ । अब आफूलाई कुनै पनि पुरुषको आवश्यकता नरहेको भन्दै उनले कुकुरसँग बाँकी जीवन बिताउने बताएकी छिन् ।