‘माया पिरिम’ को आवरण सार्वजनिक

काठमाडौं । आगामी मंसिर २० गतेबाट प्रदर्शनमा आउन लागेको चलचित्र ‘माया पिरिम’को फष्टलुक (आवरण) सार्वजनिक भएको छ । चलचित्र फष्टलुकको रुपमा दुई पोष्टर सार्वजनिक भएका छन् । दुईमध्ये एक पोष्टरमा हिरो हिरोइनको प्रेम झल्किएको छ । भने, अर्काे कमर्सियल तवरले तयार पारिएको देखिन्छ ।
अभिनेता कोशिश क्षेत्री र अभिनेत्री अञ्जली अधिकारीको रोमान्स रहेको फिल्म प्रेमकथामा बनेको छ । टेक पौरखी राईले निर्देशक गरेको चलचित्र प्रविण थापा र सविन अधिकारीको निर्माण, सागर बस्नेत र कोषराज दाहाल कार्यकारी निर्माता रहेको फिल्ममा सहनिर्माताको रुपमा मोहन मरासैनी र युवराज दाहाल रहेका छन् ।
चलचित्रमा कोशिश, अञ्जलीका साथै सलोन बस्नेत, किरण चन्द, अर्जुन गुरुङ, कालु राना, जयनन्द लामा, अरुणा कार्की, अनुपमा भण्डारी, विशाल पहाडी, सागर बस्नेत लगायत कलाकारले अभिनय गरेका छन् ।
निरज कँडेलको छायाँकन, जीवन थापाको सम्पादन, कोशिश क्षेत्रीको संगीत, शिशिर खातीको कोरियोग्राफी फिल्ममा छ ।