एकै दिन थपिए १ लाख ६ हजार कोरोना संक्रमित

काठमाडौं । विश्वभरका १ लाख ६ हजार मानिस एकै दिन कोरोना भाइरस (कोभिड–१९) बाट संक्रमित भएका छन् । यो संख्या एकै दिन भेटिएको अहिलेसम्मकै उच्च हो ।
विश्व स्वास्थ्य संगठन (डब्ल्यूएचओ) ले बुधबार अहिलेसम्मकै सबैभन्दा बढी कोरोना संक्रमित फेला परेको जनाएको छ ।
नयाँ संक्रमितमध्ये दुई तिहाइ संक्रमित अमेरिका, रुस, ब्राजिल र भारतका छन् । डब्ल्यूएचओले बुधबार अहिले नै कोरोना भाइरस अन्त्य हुने दिशातर्फ अघि बढिरहेको छ भनेर नबुझ्न पनि सुझाव दिएको छ । विकसित मुलुक कोरोना भाइरस नियन्त्रणमा आएसँगै लकडाउन खुकुलो पार्ने दिशामा अघि बढिरहेको अवस्थामा गरिब मुलुकमा यो महामारी तीव्र गतिमा फैलिन सुरु गरेको बताइएको छ ।
अहिले दक्षिण अमेरिकी मुलुक ब्राजिलमा कोरोना भाइरसको महामारी तीव्र गतिमा फैलिरहेको छ ।